El País egunkariak, olerki-liburuen bilduma kaleratzen ari dela, ale bat eskaini dio Blas de Oterori eta  Benjamín Prado idazleak egin du hitzaurrea.

Eskertu egiten diogu El País egunkariari testua hemn argitaratzeko baimena eman izana.

Irakurri hitzaurrea

Blas de Otero-Bilboko Uria Nazioarteko Poesia Sariak, 6.600 eurotako saria banatuko du modalitate bakoitzean, gaztelaniaz eta euskaraz.

Blas de Oteroren jaiotzaren oroimenezko ekimenak, -bere heriotzaren 30 urte bete diren urte honetan hain zuzen ere -, BIDEBARRIETA KULTURGUNEAk antolatu ditu Bidebarrieta Liburutegian kultura eta zientzia garatu eta sustatzeko asmoz eskaintzen duen esparruaren barruan

Bilboko Udaleko Kultura eta Hezkuntza Sailak eta Blas de Otero Fundazioak Bilboko poetaren jaiotzako urteurrena ospatzen du beste urte batez Bidebarrieta Kulturgunean egingo den ekimen honekin. Hau, martxoaren  16an  ospatuko da udal liburutegian, aurten urteurrena domeka suertatzen delako. “Pido la Paz y la Palabra” lanaren egilearen izena daraman Blas de Otero-Bilboko Uria Nazioarteko Poesia Sariaren bigarren edizioari gehitu bahar zaio ekimen hau. Esan behar ere, aurten, poetaren heriotzaren 30 urte betetzen direla, 1979ko ekainaren 29an zendu bait zen Majadahondan (Madril).

Bidebarrietako ekitaldi aretoan izango da 19:30etatik aurrera bere oroimenezko ekitaldia, non Ibone Bengoetxea Udaleko Kultura eta Hezkuntza zinegotzia eta poetaren izena daraman Fundazioko presidentea eta alarguna den Sabina de la Cruz bertan izango direlarik. Ondoren Madrilgo Unibertsitate Autonomoko Literaturako katedraduna den Mario Hernándezek,  Pablo Jauralde hizlaria eta Unibertsitate bereko katedraduna eta literaturako ikertzailea aurkeztuko du.

Bere hitzaldiaren izenburua “Soledad tengo de ti” , Oteroren “Estribillo tradicional” olerkitik hartutako bertsoa da. Musikak eta poesiak Blas de Oteroren obran duen lekua edo eta eraginaren gainean arituko da Juralde, Tiziana Tagliani arpajolearen laguntasunarekin.

Pablo Jauralde Pou, Madrilgo Unibertsitate Autonomoko Espainiar Literaturako katedraduna da, urrezko domina duelarik. Bere argitalpen gehienak, literaturaren ikerketa arlokoak, urrezko mendea edo eta gaztelaniazko gaur eguneko poesia arlokoak dira. Voz y Letra eta Clásicos Castalia aldiakarietako zuzendaria da eta Espainiako Liburutegi Nazionaleko eskuizkribuen katalogazioko proiektuan zuzendaria.

Poesiako Nazioarteko Saria
Beste alde batetik, eta bilbotar olerkari handiaren omenezko ekitaldietan, Bilboko Udaleko Kultura eta Hekuntza Sailak Blas de Otero-Bilboko Uria Nazioarteko Poesia Sariaren bigarren edizioko deialdia egin du, ihaz sortutako saria, sorkuntza literarioa sustatzeko asmoz eta bilbotar biztanlegoarengana euren hiriko autore esanguratsuena garturatzeko asmoz.

Edozein nazionalitatetako idazleek parte hartu ahal izango dute lehiaketa honetan, eta diru-saria 6.600 eurokoa izango da bi modalitateetan, euskaraz nahiz erdaraz. Inoiz argitaratu ez diren jatorrizko lanak onartuko dira, 700 eta 1.000 lerro tarteko luzeera dutenak. Lanak, 2009ko ekainaren 15a baino lehen igorri behar dira Barrainkuako Kultur Etxera (Barrainkua, 5). Sariketan parte hartzeko betebeharrak –baita epaimahaiaren epaia ere, plazaratzen denean– Bilboko Udalaren webgunean irakur daitezke (www.bilbaonet).

Bere lehen edizioan eta erdarazko modalitatean, José Antonio Ramírez extremadurarraren eskuetara joan zen saria, eta euskarazkoa Fertxu Izquierdo nafartarraren eskuetara. Saritutako lanen kalitate handiarekin batera, epaimahaiak lahiaketako partehartze ona eta anitza azpimarratu zuen, 150 lan aurkeztu ziren edizioan.

Tesiak hasieran kapitulu teorikoa dakar erritmoa ikertzeko metodologiari buruz. Kapitulu horretan egileak garatu eta agertu du zein ikuspuntu har daitezkeen hala metrika klasikoa nola “metrika berria” eta bertso librea aztertzeko. Hurrengo kapitulu batean ikertu du García Carcedok Oteroren testuen erritmoa. Horretarako, Oteroren lanean eta, horren ondorioz, tesiaren “corpusean” ere bai, hiru atal nagusi bereizi ditu. Lehen atalean “Ángel fieramente humano”, “Redoble de conciencia” eta “Ancia” liburuetako olerkiei erreparatu die; garai hartan Oterok zerabilen estrofa-mota ohikoena sonetoa zenez gero, sonetoen erritmoaren ezaugarriak azaldu ditu gehienbat. Bigarren atalean, “Pido la paz y la palabra”, “En castellano” eta “Que trata de España” liburuek dakartzaten erritmo mota berriak agertu dira. Eta hirugarrenean, azkenik, erritmoaren eremuan izandako esperientzia guztiak berpizten ikusi ditugu, eta “Historias fingidas y verdaderas” liburuko prosa poetiko berria ere bai.

Tesi osoa